เหตุํ อเสกฺขํ ธมฺมํ ปฏิจฺจ นเหตุ นอเสกฺโข ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ เนวเสกฺขนาเสกฺขํ ธมฺมํ ปจฺจยา นนเหตุ นเนวเสกฺขนาเสกฺโข ธมฺโม อุปฺปชฺชติ เหตุปจฺจยา… เหตุยา ตีณิฯ

1-12. เหตุทุก-ปริตฺตตฺติกํ

[20] นเหตุํ ปริตฺตํ ธมฺมํ ปฏิจฺจ นนเหตุ นปริตฺโต ธมฺโม อุปฺปชฺชติ เหตุปจฺจยา… (ตีณิ)ฯ

เหตุํ มหคฺคตํ ธมฺมํ ปฏิจฺจ นเหตุ นมหคฺคโต ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อปฺปมาณํ ธมฺมํ ปฏิจฺจ นเหตุ นอปฺปมาโณ ธมฺโม อุปฺปชฺชติ เหตุปจฺจยา… เหตุยา ตีณิฯ

1-13. เหตุทุก-ปริตฺตารมฺมณตฺติกํ

[21] เหตุํ ปริตฺตารมฺมณํ ธมฺมํ ปฏิจฺจ นเหตุ นปริตฺตารมฺมโณ ธมฺโม อุปฺปชฺชติ เหตุปจฺจยา… (ตีณิ)ฯ

เหตุํ มหคฺคตารมฺมณํ ธมฺมํ ปฏิจฺจ นเหตุ นมหคฺคตารมฺมโณ ธมฺโม อุปฺปชฺชติ เหตุปจฺจยา… (ตีณิ)ฯ

เหตุํ อปฺปมาณารมฺมณํ ธมฺมํ ปฏิจฺจ นเหตุ นอปฺปมาณารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

1-14. เหตุทุก-หีนตฺติกํ

[22] เหตุํ หีนํ ธมฺมํ ปฏิจฺจ นเหตุ นหีโน ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ มชฺฌิมํ ธมฺมํ ปจฺจยา นนเหตุ นมชฺฌิโม ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ ปณีตํ ธมฺมํ ปฏิจฺจ นเหตุ นปณีโต ธมฺโม อุปฺปชฺชติ เหตุปจฺจยา… เหตุยา ตีณิฯ

1-15. เหตุทุก-มิจฺฉตฺตนิยตตฺติกํ

[23] เหตุํ มิจฺฉตฺตนิยตํ ธมฺมํ ปฏิจฺจ นเหตุ นมิจฺฉตฺตนิยโต ธมฺโม อุปฺปชฺชติ เหตุปจฺจยา… (ตีณิ)ฯ

เหตุํ สมฺมตฺตนิยตํ ธมฺมํ ปฏิจฺจ นเหตุ นสมฺมตฺตนิยโต ธมฺโม อุปฺปชฺชติ เหตุปจฺจยา … (ตีณิ)ฯ

นเหตุํ อนิยตํ ธมฺมํ ปจฺจยา นนเหตุ นอนิยโต ธมฺโม อุปฺปชฺชติ เหตุปจฺจยา… เหตุยา ตีณิฯ

1-16. เหตุทุก-มคฺคารมฺมณตฺติกํ

[24] เหตุํ มคฺคารมฺมณํ ธมฺมํ ปฏิจฺจ นเหตุ นมคฺคารมฺมโณ ธมฺโม อุปฺปชฺชติ เหตุปจฺจยา… (ตีณิ)ฯ

เหตุํ มคฺคเหตุกํ ธมฺมํ ปฏิจฺจ นเหตุ นมคฺคเหตุโก ธมฺโม อุปฺปชฺชติ เหตุปจฺจยา… (ตีณิ)ฯ

เหตุํ มคฺคาธิปติํ ธมฺมํ ปฏิจฺจ นเหตุ นมคฺคาธิปติ ธมฺโม อุปฺปชฺชติ เหตุปจฺจยา… เหตุยา ตีณิฯ

1-17. เหตุทุก-อุปฺปนฺนตฺติกํ

[25] เหตุ อนุปฺปนฺโน ธมฺโม นเหตุสฺส นอนุปฺปนฺนสฺส ธมฺมสฺส อารมฺมณปจฺจเยน ปจฺจโย… อารมฺมเณ นว, อธิปติยา อุปนิสฺสเย นวฯ

เหตุ อุปฺปาที ธมฺโม นเหตุสฺส นอุปฺปาทิสฺส ธมฺมสฺส อารมฺมณปจฺจเยน ปจฺจโย… อารมฺมเณ นวฯ

1-18. เหตุทุก-อตีตตฺติกํ

[26] เหตุ อตีโต ธมฺโม นเหตุสฺส นอตีตสฺส ธมฺมสฺส อารมฺมณปจฺจเยน ปจฺจโย… อารมฺมเณ นวฯ

เหตุ อนาคโต ธมฺโม นเหตุสฺส นอนาคตสฺส ธมฺมสฺส อารมฺมณปจฺจเยน ปจฺจโย… อารมฺมเณ นวฯ

1-19. เหตุทุก-อตีตารมฺมณตฺติกํ

[27] เหตุํ อตีตารมฺมณํ ธมฺมํ ปฏิจฺจ นเหตุ นอตีตารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ อนาคตารมฺมณํ ธมฺมํ ปฏิจฺจ นเหตุ นอนาคตารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ ปจฺจุปฺปนฺนารมฺมณํ ธมฺมํ ปฏิจฺจ นเหตุ นปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

1-20. เหตุทุก-อชฺฌตฺตารมฺมณตฺติกํ

[28] เหตุํ อชฺฌตฺตารมฺมณํ ธมฺมํ ปฏิจฺจ นเหตุ นอชฺฌตฺตารมฺมโณ ธมฺโม อุปฺปชฺชติ เหตุปจฺจยา… (ตีณิ)ฯ

เหตุํ พหิทฺธารมฺมณํ ธมฺมํ ปฏิจฺจ นเหตุ นพหิทฺธารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

1-21. เหตุทุก-สนิทสฺสนตฺติกํ

[29] นเหตุ สนิทสฺสนสปฺปฏิโฆ ธมฺโม นนเหตุสฺส นสนิทสฺสนสปฺปฏิฆสฺส ธมฺมสฺส อารมฺมณปจฺจเยน ปจฺจโย…เป.… นเหตุ สนิทสฺสนสปฺปฏิโฆ ธมฺโม นเหตุสฺส นสนิทสฺสนสปฺปฏิฆสฺส จ นนเหตุสฺส นสนิทสฺสนสปฺปฏิฆสฺส จ ธมฺมสฺส อารมฺมณปจฺจเยน ปจฺจโยฯ อารมฺมเณ ตีณิ, อธิปติยา อุปนิสฺสเย ปุเรชาเต อตฺถิยา อวิคเต ตีณิฯ

นเหตุํ อนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํ…เป.… อวิคเต เอกํฯ

เหตุํ อนิทสฺสนอปฺปฏิฆํ ธมฺมํ ปฏิจฺจ นเหตุ นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ อนิทสฺสนอปฺปฏิฆํ ธมฺมํ ปฏิจฺจ นเหตุ นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ เหตุํ อนิทสฺสนอปฺปฏิฆญฺจ นเหตุํ อนิทสฺสนอปฺปฏิฆญฺจ ธมฺมํ ปฏิจฺจ นเหตุ นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ (3) เหตุยา ตีณิฯ

2-1. สเหตุกทุก-กุสลตฺติกํ